கணித அற்புதம்

Mathematical Miracle of the Quran

கடவுள்-ன் பெயரால், மிக்க அருளாளர், மிக்க கருணையாளர்

மிக நிச்சயமாக, சந்திரனின் மீது (நான் ஆணை யிடுகின்றேன்). மேலும் இரவானது அது கடந்து செல்கின்ற போது. மேலும் காலையானது அது பிரகாசிக்கின்ற போது. இது மாபெரும் அற்புதங்களில் ஒன்றாகும்*. [74:32-35]

மனிதர்கள் எழுதிய எந்தவொரு புத்தகத்திலும்ஒருபோதும் காணமுடியாத தனித்துவமிக்ககுறிப்பிடத் தகுந்த விசயங்களால், குர்ஆனின் குணாதிசயம் விவரிக்கப்படுகின்றது. சூராக்கள்,வசனங்கள், வார்த்தைகள், குறிப்பிட்ட சில எழுத்துக்களின் எண்ணிக்கை, ஒரே மூலத்திலிருந்து வந்தவார்த்தைகளின் எண்ணிக்கை, தெய்வீகப் பெயர்களின் பல வகைகள் மற்றும் எண்ணிக்கை, குறிப்பிட்டசில வார்த்தைகளின் தனித்துவமிக்க எழுத்துகள், குறிப்பிட்ட சில வார்த்தைகளினுள் குறிப்பிட்ட சிலஎழுத்துகளின் இல்லாமை அல்லது வேண்டுமென்று செய்யப்பட்டிருக்கும் மாற்றம், மேலும் குர்ஆனின்மற்ற பல பொருட்களையும் அதன் பரிமாணத்தையும் சேர்த்து - குர்ஆனின் ஒவ்வொரு பொருளும்கணிதரீதியில் தொகுக்கப்பட்டுள்ளது. குர்ஆனின் கணிதக்கட்டமைப்பில் முக்கியமான இரண்டுபெரும்பக்கங்கள் உள்ளன: (1) கணித அடிப்படையிலான இலக்கியத் தொகுப்பு மற்றும் (2) சூராக்கள்மற்றும் வசனங்களின் எண்ணிக்கையில் சம்பந்தப்பட்டிருக்கும் கணித அமைப்பு. விரிவான இந்தக்கணிதக் குறியீடின் காரணமாக, குர்ஆனின் மூலத்திலோ அல்லது பௌதீக அமைப்பிலோ ஏற்படும்மிகச்சிறிய சிதைவும் உடனடியாக வெளிக்காட்டப்படுகின்றது.

அதன் மீது பத்தொன்பது உள்ளது*.

புரிந்துகொள்ள எளிதானது

போலியாகத்தயாரிக்க இயலாதது

சரித்திரத்திலேயே முதன்முறையாக தெய்வீக எழுத்தாளருடைய உள்கூடிய சான்றுடன் ஒரு வேதத்தைநாம் பெற்றிருக்கின்றோம் - மனித சக்திக்கும் அப்பாற்பட்ட ஒரு கணிதத்தொகுப்பு.

இந்தப் புத்தகத்தை படிப்பவர் எவரும் குர்ஆனின் கணித அற்புதத்தை எளிதாகப் பரிசோதித்திட முடியும்.“கடவுள்” (அல்லாஹ்) எனும் வார்த்தை இப்புத்தகம் முழுவதும் தடித்த பெரிய எழுத்துக்களில்எழுதப்பட்டிருக்கின்றது. ஒவ்வொரு பக்கத்தின் கீழ்ப் பகுதியிலும் “கடவுள்” எனும் வார்த்தையின்அடுத்தடுத்த நிகழ்வுகள் குறிப்பிடப்பட்டுள்ளது. இப்புத்தகத்தின் கடைசிப் பக்கமான பக்கம் 372, “கடவுள்”எனும் வார்த்தையின் மொத்த நிகழ்வுகளின் எண்ணிக்கை 2698 அல்லது 19 X 142 என்று காட்டுகின்றது.

இன்னும் கூடுதலாக, “கடவுள்” எனும் வார்த்தை காணப்படுகின்ற வசனங்கள் அனைத்தின் எண்களையும்நாம் கூட்டும்போது நாம் பெறுகின்ற கூட்டுத் தொகையானது 118123, இதுவும் ஒரு 19ன் பெருக்குத்தொகையே ஆகும் (118123 = 19 X 6217). பத்தொன்பது என்பது குர்ஆனுடைய கணித ரீதியிலானகட்டமைப்பு முழுவதற்குமான பொதுவான வகுக்கும் எண் ஆகும்.

இந்தக் குறிப்பிடத் தகுந்த விசயம் மட்டுமே குர்ஆன் இந்த உலகிற்கு கடவுளின் செய்தியாக உள்ளதுஎன்பதற்கு மறுக்க முடியாத சான்றாக இருப்பதற்கு போதுமானது. மனிதனால் அல்லது மனிதர்களால்“கடவுள்” எனும் வார்த்தையின் இடம் பெறுதலை 2698 எண்ணிக்கையிலும் மேலும் அவை இடம்பெறும்வசன எண்களின் எண்ணிக்கையையும் இவ்வாறு செய்திருக்க முடியாது. முக்கியமாக (1) அறியாமைக்காலம் எனக் கருதப்பட்ட அக்காலத்தில் குர்ஆன் அருளப்பட்டதையும், (2) சூராக்களும் வசனங்களும்அவை வெளியிடப்பட்ட காலம், இடம் போன்றவற்றிற்கு ஏற்ப பிரிக்கப்பட்டிருந்தன என்றஉண்மையையும் கருத்தில் கொண்டு காணும்போது இது ஒரு போதும் செய்திட முடியாத விசயம் ஆகும்.வெளிப்பாட்டின் இறங்குவரிசையானது இறுதி வடிவத்திலிருந்தும் மிகவும் மாறுபட்டிருந்தது (பின்இணைப்பு 23). இருந்த போதிலும், குர்ஆனின் கணிதக் கட்டமைப்பு “கடவுள்” எனும் வார்த்தையோடுநின்றுவிடுவதில்லை, அது மிகவும் பரந்தது, மிகவும் சிக்கலானது, மொத்தத்தில் விரிவானது.

எளிய உண்மைகள்

குர்ஆனைப் போலவே, குர்ஆனின் கணிதக் குறியீடும் மிகவும் எளிய நிலையிலிருந்து மிகவும் சிக்கலானநிலை வரையிலும் விரிந்திருக்கின்றது. எளிய உண்மைகள் என்பது எந்த சாதனங்களையும்பயன்படுத்தாமலே ஆராய்ந்து கண்டுபிடிக்க முடிகின்ற உண்மைகளாகும். சிக்கலான உண்மைகளைகண்டறிய ஒரு கணக்கிடும் கருவியின் அல்லது கணினியின் உதவி தேவைப்படுகின்றது. பின்வரும்உண்மைகள் எந்த சாதனங்களின் உதவியுமின்றி நிரூபிக்கக் கூடியவை :

1.             பஸ்மலாஹ் என அறியப்பட்ட முதல் வசனம் (1:1) .......... 19 எழுத்துக்கள் கொண்டு                அமைக்கப்பட்டிருக்கின்றது.

2.             குர்ஆன் 114 சூராக்களையுடையதாக அமைக்கப்பட்டிருக்கின்றது, அது .......... 19 X6.

3.             குர்ஆனில் உள்ள மொத்த வசனங்களின் எண்ணிக்கை 6346, அல்லது .......... 19 X334

(6234 எண்ணிடப்பட்ட வசனங்கள் & 112 எண்ணிடப்படாத வசனங்கள் (பஸ்மலாஹ்கள்) 6234+112 = 6346)இதனைக் கவனியுங்கள் 6+3+4+6 = ..........19.

4.             குறிப்பாக சூரா 9ல் பஸ்மலாஹ் இல்லாத நிலையிலும், அது 114 முறை காணப்படுகின்றது (சூரா27ல் அது இருமுறை காணப்படுகின்றது) & 114 = .......... 19 X6

5.             சூரா 9ன் விட்டுப்போன பஸ்மலாஹ்விலிருந்து சூரா 27ன் அதிகப்படியான பஸ்மலாஹ்வரையிலும் மிகச் சரியாக........... 19 சூராக்கள்.

6.             இதனைத் தொடர்ந்து, சூரா 9லிருந்து 27 வரையிலுமுள்ள சூரா எண்களின் மொத்தத்தொகை(9+10+11+12+...26+27) 342 அல்லது .......... 19 X18.

7.             இந்த மொத்தத் தொகை (342), சூரா 27ன்  இரண்டு பஸ்மலாஹ்களுக்கும் இடையிலுள்ளவார்த்தைகளின் எண்ணிக்கைக்குச் சமமாயுள்ளது, மேலும் 342 = ..........19 X18.

8.             பிரபலமான முதல் வெளிப்பாடு (96:1-5)..........19வார்த்தைகள் கொண்டு அமைக்கப்பட்டிருக்கின்றது.

9.             இந்த 19 வார்த்தைகளைக் கொண்ட முதல் வெளிப்பாடு 76 எழுத்துக்களால்அமைக்கப்பட்டிருக்கின்றது .......... 19 X4.

10.          இறக்கப்பட்ட வரிசையில் முதலாவதான, சூரா 96,..........19 வசனங்கள் உடையதாய்அமைக்கப்பட்டிருக்கின்றது.

11.          இறக்கப்பட்ட வரிசையில் முதலாவதான இந்த சூரா, கடைசி சூராவிற்கு மேலாய் .......... 19வதுசூராவாக  இடம் பெற்றிருக்கின்றது.

12.          சூரா 96, 304 அரபி எழுத்துக்களைக் கொண்டு அமைக்கப்பட்டிருக்கின்றது, மேலும் 304 = ................. 19 X16

13.          கடைசி வெளிப்பாடான (சூரா 110) ............... 19 வார்த்தைகள் உடையதாய்அமைக்கப்பட்டிருக்கின்றது.

14.          கடைசி வெளிப்பாட்டின் முதல் வசனம் (110:1)............ 19 எழுத்துக்கள் உடையதாய்அமைக்கப்பட்டிருக்கின்றது.

15.          14 வெவ்வேறு அரபி எழுத்துக்கள், 14 வெவ்வேறு “குர்ஆனியத் தலைப்பெழுத்துகளின்”வரிசைகளை அமைக்கின்றன (2:1ல் உள்ள அ.ல.ம. போன்றவை), மேலும் 29 சூராக்களில் முற்சேர்க்கையாக வைக்கப்பட்டுள்ளன. இந்த எண்களைக் கூட்டினால் 14+14+29 = 57 = .......... 19 X3.

16.          குர்ஆனியத் தலைப்பெழுத்துகள் காணப்படும் 29 சூரா எண்களின் மொத்தத் தொகையானது2+3+7+.......+50+68 = 822, மேலும் 822+14 ( 14 தலைப்பெழுத்துகளின் வரிசைகள்) = 836 அல்லது .......... 19 X44

17.          தலைப்பெழுத்துக்களுடைய முதல் சூராவிற்கும் (சூரா 2) தலைப்பெழுத்துக்களுடைய கடைசிசூராவிற்கும் (சூரா 68) இடையே 38 தலைப்பெழுத்துகள் இல்லாத சூராக்கள் உள்ளன ................ 19 X2

18.          தலைப்பெழுத்துக்களுடைய முதல் மற்றும் கடைசி சூராக்களுக்கு இடையே மாறி மாறி வரும்தலைப்பெழுத்துக்களுடைய மற்றும் தலைப்பெழுத்துகள் இல்லாத சூராக்களின் குழுக்கள் .............19

19.          குர்ஆன் 30 வெவ்வேறான எண்களைக் குறிப்பிடுகின்றது : 1, 2, 3, 4, 5, 6, 7, 8, 9, 10, 11, 12, 19, 20, 30, 40, 50, 60, 70, 80, 99, 100, 200, 300, 1000, 2000, 3000, 5000, 50,000 & 100,000. இந்த எண்களின் கூட்டுத்தொகையானது162146, இது = .......... 19 X8534.

இது சுருக்கமாகத் திரட்டப்பட்ட எளிய உண்மைகளின் தொகுப்பு ஆகும்.